သင့်ကလေးအဝလွန်နေပြီလား?ဘယ်လိုအချက်တွေကြောင့်လဲ?ဘယ်လိုကာကွယ်မလဲ?

Trending & NEW
18/02/2017
414 views
*** သင့်ကလေး အ၀လွန်နေပြီလား ***

၂၀၁၄ ခုနှစ် မှ ၂၀၁၅ ခုနှစ် အထိ ဆေးသုတေသနဦးစီးဌာန၊ အာဟာရသုတေသနဌာနခွဲမှ ရန်ကုန်၊ မန္တလေး၊ တောင်ကြီး နှင့် မော်လမြိုင် မြို့ တို့ ရှိ မြို့ လယ်ကောင်၊ မြို့ စွန် နှင့် ကျေးရွာများမှ မူလတန်း၊ အလယ်တန်း ကျောင်းသား၊ ကျောင်းသူဦးရေ ၂၉၀၀ ဦးကို အာဟာရနှင့်ပတ်သက်ပြီး သုတေသနပြုလုပ်ခဲ့ရာ၊ ရန်ကုန်မြို့ လယ်ကောင်ရှိ ကျောင်းနေအရွယ် ကလေးသူငယ်များတွင် မန္တလေး၊ တောင်ကြီး နှင့် မော်လမြိုင် မြို့ တို့ ရှိ ကလေးငယ်များထက် အ၀လွန်ရောဂါ ပိုမိုဖြစ်ပွားနေကြောင်း လေ့လာတွေ့ ရှိ ခဲ့ပါတယ်။ အဲဒီလို ရန်ကုန်မြို့ ရှိ ကလေးငယ်များ အ၀လွန်ရောဂါပိုမိုဖြစ်ပွားရခြင်းအကြောင်းရင်းများမှာ အသင့်စားသုံးနိုင်သည့် အဆီပါဝင်မှုများပြားသော ကြက်သားကြော်၊ ဒိုးနတ်၊ ဟမ်ဘာဂါ စသောဆိုင်များ ပိုမိုများပြားနေခြင်းကြောင့် လည်းကောင်း၊ ဒါ့ပြင် အခြား မန္တလေး၊ တောင်ကြီး နှင့် မော်လမြိုင် မြို့ တို့ နှင့် နှိုင်းယှဉ်ပါက ရန်ကုန်မြို့ ရှိ ကျောင်းများတွင် ကျောင်းဝင်းအတွင်း ကလေးများ ကစားနိုင်မည့်နေရာ နည်းပါးခြင်း နှင့် ကိုယ်လက်လှုပ်ရှားပြုလုပ်ချိန် မရှိခြင်းတို့ ကြောင်းလည်းကောင်း ဖြစ်ပါတယ်။

ဖော်ပြပါ သုတေသနစာတမ်းအရ ၄င်းကလေးငယ် ၂၉၀၀ ဦး၏ ၅၀ ရာခိုင်နှုန်းခန့် ဟာ ထုပ်ပိုးပြီးသား အသင့်စား အကြော် ထုပ်များ နှင့် အသင့်စား ခေါက်ဆွဲထုပ်များကို ရက်သတ္တ တစ်ပတ်လျှင် တစ်ရက်မှ နှစ်ရက်ခန့်  စားသုံးမှုကို တွေ့ ရှိရပြီး၊ ၄င်း ကလေးငယ်ဦးရေ၏ ၁၃ ရာခိုင်နှုန်းခန့် သာ နေ့ စဉ် သောက်သုံးရမည့် နို့ နှင့် နို့ ထွက်ပစ္စည်းများကို တစ်ပတ်လျှင် ခြောက်ရက်မှ ခုနှစ်ရက်အထိ သောက်သုံးမှုရှိသည်ကို တွေ့ ရှိရကြောင်း သိရပါတယ်။

သင့်ကလေး အ၀လွန်နေပြီလား။

ကလေးများဟာ သူတို့ လိုအပ်သော အာဟာရပမာဏထက် ပို၍စားမိပါက၊ သူတို့ ခန္ဓာကိုယ်က ခွန်အား(energy) အတွက် သုံးပြီး ပိုလျှံနေသော ကယ်လိုရီများကို အဆီဆဲလ်တွေအဖြစ် သိုလှောင်ထားလိုက်ပါတယ်။ သူတို့  ခန္ဓာကိုယ်က သိမ်းဆည်း ထားသော စွမ်းအင်များကို သုံးဖို့ မလိုပါက အဆီဆဲလ်များ ပိုမိုကြီးထွားလာပြီး ၀ဖြိုးလာစေပါတော့တယ်။ ကလေးများ အသက်ကြီး လာလေလေ၊ အ၀လွန်နှုန်း မြင့်တက်လာလေလေ ဖြစ်ပါတယ်။ ကမ္ဘာတစ်ဝှမ်း လေ့လာမှု မှတ်တမ်းများအရ၊ အသက် ၆ နှစ်မှ ၁၁ နှစ် အရွယ်အထိ ကလေး ငါးယောက်တွင် အနည်းဆုံး တစ်ယောက်မှာ အ၀လွန်သောကလေးများ ဖြစ်နေကြပါတယ်။ လွန်ခဲ့တဲ့ ဆယ်စုနှစ် နှစ်စုအကျော်က ကလေးများအ၀လွန်နှုန်းဟာ ယခုအခါ ၅၀ ရာခိုင်နှုန်းကျော် ပိုမို များပြားလာပြီး အ၀လွန်သော ကလေးများအရေအတွက်ဟာလည်း နှစ်ဆ ဖြစ်လာခဲ့ပါတယ်။ ဒါကြောင့် သင့်ကလေးကို အ၀ မလွန်စေရန် နှင့် ကျန်းမာသော ကိုယ်အလေးချိန်ရှိစေရန်အတွက် အောက်ပါနည်းလမ်းကောင်းများဖြင့် ကြိုတင်တားဆီးသင့် ပါကြောင်း အကြံပြုလိုက်ရပါတယ်။

· ကယ်လိုရီပမာဏများပြီး အာဟာရတန်ဖိုးနိမ့်ကျသော အစားအစာ(ဥပမာ အသင့်စား အာလူးအကြွတ်ကြော်)များကို ရှောင်ပါ။

· မည်သည့်အစားအစာကိုမဆို ကျေကျေညက်ညက် ၀ါးစားခိုင်းပါ။

· သကြားပါဝင်သောအချိုရည်များ သောက်သုံးခြင်းကို ကန့် သတ်ပေးထားပါ။

· အသီးနှင့် ဟင်းသီးဟင်းရွက် များများကျွေးပါ။

· အသင့်စား စားသောက်ဆိုင်များသို့  ထွက်စားခြင်းကို ကန့် သတ်ပါ။

· အသက်အရွယ်အလိုက် အစားအသောက်ကို ချိန်ဆ၍ ကျွေးမွေးပါ။

· တီဗွီကြည့်ခြင်း (သို့ ) ဂိမ်းကစားခြင်း နှင့် အခြားသော IT ပစ္စည်းများ အသုံးပြုခြင်းကို တစ်နေ့ လျှင် အလွန်ဆုံး ၂ နာရီ ခန့် သာ သုံးစွဲခွင့်ပြုပါ။

. စောစောအိပ်ရာဝင်ခိုင်းပါ (ကလေးများကို ခပ်စောစောအိပ်ရာဝင်စေခြင်းက အ၀လွန်ခြင်းကို တားဆီးပေးသည့် အကောင်းဆုံးနည်းလမ်းများမှ တစ်ခုဖြစ်သည်ဟု အိုဟိုင်းယိုးတက္ကသိုလ်မှ ဒေါက်တာဆာရာအန်ဒါဆင် က အကြံပြု ထားပါတယ်)

· ကိုယ်ကာယလှုပ်ရှားမှု ရှိပါစေ (ကလေးနှင့်ကိုက်ညီသော လေ့ကျင့်ခန်းအချို့ ကို ပြုလုပ်စေပြီး၊ လေ့ကျင့်ခန်းပြုလုပ်ခြင်းမှ ရရှိသော ကောင်းကျိုးများကိုလည်း ကလေးများ နားလည်သဘောပေါက်စေရန် ပြောပြပါ)

· တစ်နှစ်လျှင် အနည်းဆုံး တစ်ကြိမ် သင့်ကလေးကို ဆရာဝန်နှင့် ကျန်းမာရေးစစ်ဆေးမှု ပြုလုပ်ပေးပါ။

မှတ်ချက်။

(၁) ကလေးများ အ၀မလွန်စေရေးအတွက် မိသားစုကဏ္ဍဟာလည်း လွန်စွာအရေးပါလှပါတယ်။ အွန်ကာရီယိုမြို့  ဂူအက်ဖ် တက္ကသိုလ်မှ သုတေသီတစ်ဦး၏ လေ့လာစမ်းစစ်မှုမှတ်တမ်းများအရ၊ နွေးထွေးချစ်ခင်မှုရှိသော မိသားစုတွင် ကြီးပြင်းလာသော သမီးမိန်းကလေးများမှာ fast food (ခေါ်) အမြန်ပြင်အစားအစာ စားသုံးမှုနည်းပြီး ကိုယ်အလေးချိန်လည်း အလွန် မများကြ တာကို လေ့လာတွေ့ ရှိရကြောင်း၊ ဖခင်များနှင့် နီးစပ်သူ သားယောကျာ်းလေးများမှာလည်း အ၀လွန်မှုနည်းပါးကြောင်း လေ့လာ တွေ့ ရှိရပါတယ်။

(၂) မိခင်လောင်းများအနေဖြင့်လည်း ကိုယ်ဝန်ဆောင်ချိန်အတွင်း အဆီဓာတ်မြင့်မားသော အစားအစာများ စားမိပါက၊ အနာဂတ် မျိုးဆက် သုံးဆက်အထိ အ၀လွန်ဖြစ်လာနိုင်ခြင်း နှင့် နှလုံးရောဂါဖြစ်ပွားနိုင်ခြင်းကဲ့သို့ သော အန္တရာယ်တွေ ကြုံတွေ့ လာစေ နိုင်ပါတယ်။
မူရင်း ပေါက်ပေါက်

    

       
Shareလုပ်ပြီးအမှတ်များရယူပါ
0 Aavapoints

Trending:

ကမ္ဘာ့အချောဆုံး အကျဉ်းသား

ကုသိုလ်ကံကတော့
more

Khwarnyo

Share  387 Views

Sales လား?Marketing လား?

Sale လား၊ Marketing လား ?
more

Amanda

Share  597 Views