ဆေးဖက်ဝင်သောမုန်လာဥနီ

Food & Recipies
31/01/2017
395 views
ကျန်းမာဖို့  မုန်လာဥနီစားကြပါစို့ ….။

“carrot” လို့ အမည်ရတဲ့ မုန်လာဥနီဟာ ဂရိ စကားလုံး “karoton” မှ ဆင်းသက်လာခြင်းဖြစ်ပါတယ်။  ကမ္ဘာပေါ်တွင် မုန်လာဥနီ မျိုးစိပ်ပေါင်း ၁၀၀ ကျော်ရှိပြီး၊ အမျိုးအစားနှင့် ရှင်သန်ပေါက်ရောက်ရာ၊ ရေမြေရာသီဥတုပေါ်မူတည်ကာ၊ အရွယ်အစား မတူညီ ကြသလို၊ လိမ္မော်ရောင်/ပန်းရောင်/အဖြူရောင်/အ၀ါရောင်/အနီရောင် စသည်ဖြင့် အရောင်အမျိုးမျိုးရှိကြပါတယ်။ မြန်မာပြည်မှာ တော့ ပုံမှန်အသင့်အတင့်အရွယ်အစားရှိတဲ့ လိမ္မော်ရောင်မုန်လာဥနီကို အများအပြားတွေ့ ကြရပြီး “ဥနီ” လို့ အလွယ်ခေါ်ကြပါ တယ်။ ရှမ်းပြည်နယ်ထွက်မုန်လာဥနီကတော့ အသားကျစ်ပြီး၊ အရွယ်အနဲငယ်ညှပ်ကာ၊ အနံ့ အရသာပိုမိုစူးရှပြီး “ခါကြက်ဥ” လို့  ခေါ်ကြပါတယ်။

WHFoods မှ လိမ္မော်ရောင်မုန်လာဥနီကို ဓာတ်ခွဲစမ်းသပ်ကြည့်ရာ၊ ဗီတာမင်ဘီဓာတ်ပေါင်းစုတို့ အပြင်၊ ဗီတာမင် အေ-စီ-အီး-ကေ စသည့် ဗီတာမင်နှင့်သတ္တုဓာတ်များသာမက၊ အမျှင်ဓာတ်လည်း ပေါကြွယ်ဝလို့  လူသားတို့ နေ့ စဉ်ပုံမှန် အစားအသောက် မီနူးစာရင်းအဖြစ် စားသုံးသင့်တယ်လို့ ဆိုပါတယ်။ ကမ္ဘာ့နိုင်ငံအသီးသီးရှိ ဆေးသုတေသီများ၏ မှတ်တမ်းများအရ၊ မုန်လာဥနီ ဟာ အသားအရေကိုလှပစေခြင်း၊ သွားနှင့်သွားဖုံးများကိုခိုင်ခန့် စေခြင်း၊ အရွယ်တင်နုပျိုစေခြင်း၊ အသည်းကိုကျန်းမာစေကာ ခန္ဒာကိုယ်တွင်းအဆိပ်အတောက်ပြေစေခြင်း၊ ပြင်ပကူးစက်ရောဂါပိုးမွှားများ အန္တရာယ်မှကင်းဝေးစေခြင်း၊ အူမကြီးကင်ဆာ မဖြစ်စေနိုင်ခြင်း၊ လေဖြတ်ခြင်းမှကာကွယ်ပေးခြင်း၊ သွေးသန့် စေခြင်း စသည်ဖြင့် ကောင်းကျိုးပြုပါတယ်တဲ့။ နှလုံးရောဂါဝေဒနာ ရှင်များ မုန်လာဥနီကိုမဖြစ်မနေစားပေးသင့်တယ်လို့  နယ်သာလန်နိုင်ငံရှိ ဆေးသုတေသီများက ဆိုပါတယ်။ မုန်လာဥနီကို အနဲဆုံးရက်သတ္တ ၁-ပတ်လျှင် ၂ကြိမ်စားသောသူဟာ၊ မစားသောသူထက် မျက်စေ့အားပိုမိုကောင်းစေပြီး၊ မျက်စေ့ရေတိမ်စွဲခြင်း၊ ကြက်မျက်သင့်ရောဂါဖြစ်ခြင်းတို့ မှ ၄၀%ထိ လျော့ကျစေတယ်လို့ လော့စ်အိန်ဂျလိစ်ရှိ The University of California မှ အကြံပြုထားပါတယ်။

အစားအစာချစ်သူ “Food မဂ္ဂဇင်း” ပရိတ်သတ်ကြီးများကို အရေးကြီးတဲ့အကြံတစ်ခုပေးချင်တာကတော့ မုန်လာဥနီကို ဒီအတိုင်း အစိမ်းစားခြင်းထက်၊ အပူပေးချက်ပြုတ်ပြီးစားမှသာ အထက်ပါကျန်းမာရေးအကျိုးကျေးဇူးများကို အပြည့်အ၀ရစေမှာဖြစ်ပြီး၊ အချိုဓာတ်အရသာလဲပိုထွက်လာမှာပါ။ အော်ဂဲနစ် မုန်လာဥနီကိုသာရွေးချယ်ဝယ်ယူနိုင်ရင်တော့ အကောင်းဆုံးပေါ့ရှင်။

အကြော်အလှော်ဟင်းလျာစုံ။

(၁) မုန်လာဥနီကို ခပ်ပါးပါးရှည်ရှည်ကလေးတွေလှီးဖြတ်ကာ၊ ကြက်ဥနဲ့ ကြော်စားတဲ့အရသာလေးကတော့ ချိုချိုစိမ့်စိမ့်လေးမို့  ကလေးတွေအကြိုက် လွယ်ကူမြန်ဆန်တဲ့ ဟင်းလျာတစ်ခွက်ဖြစ်ပါတယ်။ (၂) မုန်လာဥနီကို သူ့ ချည်းတစ်မျိုးတည်း အစ်ိမ်း ကြော်ကြော်စားခြင်းထက်၊ အခြားဟင်းသီးဟင်းရွက်များဖြစ်ကြတဲ့ ဂေါ်ဖီထုပ်၊ ပန်းဂေါ်ဖီ၊ ရွှေပဲ၊ ဗိုစားပဲသီး၊ ပဲပိုးတီ၊ ပြောင်းဖူး ပေါက်စတို့ ဖြင့် ရောနှောစားခြင်းက အရသာပိုပေါ်လွင်တာမို့ ၊ ကြက်သွန်ဖြူလေးတပြားရိုက်၊ မီးပြင်းပြင်းမှာ ဆီသတ်ကာ မုန်လာဥနီအပါအ၀င် ဟင်းရွက်စုံ၊ အရသာမှုန့် နှင့်ဆားအနည်းထဲ့၍ ခေတ္တမျှအဖုံးလေးအုပ်ပြီး၊ အိုးချကာနီး ခရုဆီလေးထဲ့ကာ တရုပ်နံနံပင်လေးအုပ်လိုက်တာပါဘဲ။ (၃) တခါတလေ ရာသီဥတုအပြောင်းအလဲမှာ ဆီပြန်ဟင်းလျာများ စားချင်စိတ်မရှိလို့ ၊ မုန်လာဥနီ နှင့်ဟင်းရွက်စုံအစိမ်းကြော်ထဲကို ၀က်သားပြုတ်လေးလှီးထဲ့ကြော်ကာ တရုပ်ငရုပ်ကောင်းမှုန့် ဖြူးပြီး၊ ထမင်းပူပူဖြင့် စားရတာလည်း အပြောင်းအလဲလေးမို့  ထမင်း စားမြိန်လှပါတယ်။ (၄) ခေါက်ဆွဲကြော်/ကြာဇံကြော်/ကော်ပြန့် ကြော်/ခေါက်ဆွဲ ပေါင်း/ကြာဇံပေါင်း/ထမင်းပေါင်း/ဆန်ပြုတ်/ကော်ပြန့် စိမ်းတို့ မှာ မုန်လာဥနီကို အကျက်မြန်စေရန် ခပ်ပါးပါးလေးလှီးပြီးထဲ့ ကြော်ကြသလို၊ ကုန်းဘောင်ကြီးကြော်/ချိုချဉ်ကြော်/တောက်တောက်ကြော်တို့ မှာလည်း အနေတော်အတုံးကလေးတွေ လှီး ဖြတ်ထားတဲ့ မုန်လာဥနီပါမှသာ ဟင်းလျာရဲ့ အရောင်အသွေးစုံလင်လှပသလို၊ အရသာလဲ ပိုလာစေမှာပါ။ (၅) ကလေးသူငယ် များနှင့် သက်ကြီးရွယ် အိုတွေအတွက် အာဟာရပြည့်သွားရည်စာအဖြစ်၊ နေ့ လည်နေ့ ခင်းအဆာပြေ အာလူးကြော် လုပ်ကျွေး ကြည့်မယ်ဆိုရင်တော့ အသွင်ဆန်းတဲ့ ဂျပန်အာလူးကြော် လုပ်နည်းကလေးကိုမြည်းစမ်းကြည့်ပါ။ ဒီနည်းက နဲနဲအလုပ်ရှုပ် ပေမယ့်၊ မိသားစုဝိုင်းဖွဲ့ လုပ်ရင်တော့ ပျော်စရာကြီးပါ။ ရှေးဦးစွာ အာလူး၊ ကြက်သွန်နီ၊ ဆား၊ မုန်လာဥနီ၊ ငရုတ်ကောင်း၊ နွားနို့၊ ဂျုံမှုန့်၊ ကြက်ဥ၊ ပေါင်မုန့်ခြောက်၊  မန်ကျည်းနှစ်၊ ခရမ်းချဉ်ဆော့ရှလကာရည်၊ ဆား၊ သကြား၊ အာလူးတို့ ကိုတပြိုင်တည်း အကျက်ပြုတ်ပါ။ ပြီးရင် ငရုတ်ကောင်းမှုန့်နဲ့ ဆားအနည်းငယ်ထည့်ပြီး စေးပိုင်နေအောင်ခြေပါ။ ကြက်သွန်နီနဲ့ မုန်လာဥနီကို နုပ်နုပ်စဉ်းပြီး ဆီပူပူမှာ အကြွပ်ကြော်ပြီးရင် စောစောက  အာလူးနှစ်တွေနဲ့ရောကာ၊ နွားနို့ထည့်ပြီး သမအောင်မွှေလိုက်ပါ။ ပြီးရင် အရွယ်တော် အလုံးလေးတွေလုံးပြီး ဂျုံမှုန့်နဲ့ကပ်ပါ။ ကြက်ဥကို ခေါက်ထားပြီး အာလူးလုံးတွေကို ကြက်ဥထဲနှစ်၊ ပေါင်မှုန့်ခြောက် ကပ်၍ ဆီပူပူမှာကြော်ပြီး စားလို့ ရပါပြီ။ အရသာ ချို/ချဉ်/ဆိမ့် တို့ ကို တပြိုင်တည်းခံစားနိုင်တဲ့ "မုန်လာဥနီကပ်အာလူးကြော်" လေးမို့  ရုံးအားလပ်ရက်မှာ အချိန်ပေးပြီး ကြော်စားကြည့်ကြပါဦးရှင်။

မုန်လာဥနီသနပ်။

မုန်လာဥနီဟာ မျက်စေ့အားကောင်းစေတာကြောင့်၊ မွေးရာပါမျက်စေ့အားနည်းတဲ့ကျွန်မကို မုန်လာဥနီစားစေချင်လွန်းလို့  မေမေ ရှိစဉ်က အမျိုးမျိုးလုပ်ကျွေးခဲ့ပါတယ်။  မုန်လာဥနီပေါတဲ့ရာသီဆိုရင် မေမေက ဥနီသနပ်လုပ်လေ့ရှိပါတယ်။ မုန်လာဥနီကို ရေနွေး နဲ့ ဆေးကြောပြီး၊ အတုံးသေးသေးတုံးကာ ဆားရည်နဲ့ဆေးပါတယ်။ ရေစစ်ထားတဲ့ဥနီ၊ လှီးထားတဲ့ကြက်သွန်ဖြူ နှင့် အညှာချွေ ထားတဲ့ ငရုပ်သီးစိမ်းတို့ ကို  ရှာလကာရည်ထဲမှာမြုပ်အောင်ထဲ့ပြီး နာရီဝက်လောက် စိမ်ရပါတယ်။ အချဉ်ဓါတ်ဝင်လာရင် ဇကာနဲ့ ပြန်စစ်ပြီး နေပူပူမှာ တနေကုန်အောင်လှမ်းရပါတယ်။ နောက်နေ့ မှာ ဇီယာမှုန့် ၊ ပဲနံ့ သာမှုန့် ၊ နနွင်းမှုန့် ၊ သနပ်လုပ်တဲ့မဆလာ မှုန့် ၊ သကြား၊ နှမ်းနက်တို့ ရောနယ်ရပါတယ်။ အဲဒီဥနီအရောနှောထဲကို ဆီသတ်ထားတဲ့ဟင်းခတ်ငရုပ်သီးအရောင်တင်မှုန့်  ပူပူ ကို လောင်းတဲ့ကာ သမအောင်မွှေထားတာပါ။ မဆလာနံ့ သင်းသင်းလေးနဲ့  ချို/ချဉ်/စပ်ရသာစုံ မုန်လာဥနီသနပ်ကို တကျွတ် ကျွတ်မြည်အောင်ဝါးစားရတာကလဲ နတ်သုဒ္ဒါတမျိုးပါ။ (အဲ…ငရုပ်သီးဆီသတ်တာ မထဲ့ရင်တော့ ဂျပန်စတိုင်လ် cole slaw နဲ့  ခပ်ဆင်ဆင်တူနေတာပေါ့) သနပ်တွေ တစ်ရက်တည်းနဲ့ စားမကုန်ရင် ကြာကြာခံအောင် ဖန်ပုလင်းထဲမှာ လေလုံအောင် သိမ်းထားလို့ လဲရတယ်နော်။

မုန်လာဥနီချဉ်ဖတ်။

ဒီနည်းကတော့ လွယ်လွယ်လေးပါ။ ဖန်ပုလင်းကြီးကြီး တစ်လုံးထဲမှာ မုန်လာဥနီကိုလေးစိပ်စိပ်ကာ ရှာလာကာရည်၊ သကြား၊ ရေနွေးတို့ စိမ်ထားပြီး၊ ဖန်ပုလင်းကို လေလုံအောင်တညပိတ်၍၊ နောက်နေ့ မှာ လိုသလောက် ဇွန်းနဲ့ ခပ်ဆယ်ပြီးစားရုံပါဘဲ။ အစပ်ကြိုက်တတ်ရင်၊ အဲဒီချဉ်ဖတ်ပုလင်းထဲမှာ လတ်လတ်ဆတ်ဆတ် ငရုပ်သီးစိမ်းတောင့်လေးတွေရောထဲ့စိမ်ပြီး စားနိုင်ပါ တယ်။ ငရုပ်သီးစိမ်းအစပ်ရနံ့ မွှန်မွှန်လေးက မုန်လာဥနီချဉ်ဖတ်ထဲ ၀င်နေတာကြောင့် ချဉ်/ စပ်အရသာလေးမို့  ခံတွင်းရှင်းစေ ပါတယ်။ အဲဒီချဉ်ဖတ်ကို အရည်ညှစ်ပြီး၊ အပေါ်ကကြက်သွန်ဖြူကြော် နဲ့ နှမ်းဖြူးပြီး “ဥနီပိုးတီ” သုပ်လုပ်စားတော့လည်း အရသာ ရှိတာပါဘဲ။

အသုပ်ဟင်းလျာစုံ။

ဟင်းလျာ၏အစိုဓာတ်ကိုထိန်းပေးရန်၊ ရောင်စုံခြယ်လှပရန်၊  ဥနီရဲ့ သဘာဝအချိုဓာတ်က အသုပ်ရဲ့ အရသာကိုအားဖြည့်စေရန် စသည်တို့ အတွက် ယိုးဒယားသင်္ဘောသီးထောင်း၊ မာလာဟင်း၊ သခွားသီးသုပ်၊ မုန်ညင်းချဉ်သုပ်၊ ပဲကြာဇံသုပ်၊ ထမင်းသုပ်၊ ငါးခူမွကြော်သုပ်၊ စတဲ့ အသုပ်ဟင်းလျာတို့ မှာ မုန်လာဥနီကို ခြစ်ထဲ့ပြီးတော့သုပ်ကြတာပါ။ အသားနဲ့ ပင်လယ်စာသုပ်တွေမှာလဲ ကြိုက်တတ်ရင်ထဲ့သုပ်လေ့ ရှိကြတာပါဘဲ။ အသုပ်ဟင်းလျားများမှာ ဆီနဲနဲသာပါခြင်း၊ ဟင်းသီးဟင်းရွက်သစ်သီးတွေက အမျှင် ဓာတ်ရရှိခြင်း၊ အစာစားချင်စိတ်ကို အာသာပြေစေပြီး ကိုယ်အလေးချိန်မတိုးပွားစေခြင်းတို့ ကြောင့် ကျန်းမာရေးနဲ့ ညီညွတ် လို့  ကမ္ဘာ့ နိုင်ငံအသီးသီးမှာ ကျန်းမာရေးအမြင်ရှိသူတိုင်း အသုပ်ကိုဟင်းလျာ (သို့ မဟုတ်) အဆာပြေသွားရည်စာအဖြစ် နေ့ စဉ် သုံး အစားအစာမီနူးဆွဲကာစားသုံးလျှက်ရှိကြပါတယ်။ ထမင်းဝိုင်းမှာ ချဉ်/ငန်/စပ် အသုပ်တစ်ခုခုပါရင် ထမင်းပွဲစိုပြည်စေပြီး၊ ခံတွင်းလည်းလိုက်စေတာမို့ ၊ ကျွန်မတို့ မြန်မာလူမျိုးများ အသုပ်ကိုအရံဟင်းလျာအဖြစ်  စားလေ့ရှိကြပါတယ်။ လူအချို့ က ဥနီရဲ့  အနံ့ ကိုမခံနိုင်လို့ ၊ ၄င်းကို အပူပေးချက်ပြုတ်စားပေမယ့်၊ အသုပ်သုပ်စားလေ့တော့မရှိကြပါဘူး။ ဒီ့အတွက်မပူပါနဲ့ ။ မုန်လာဥနီ ကိုခြစ်ပြီး ဆားရည်မှာခဏစိမ်ပွတ်ဆေးပေးလိုက်ရင် အနံ့ ပျောက်စေပါတယ်။ ပြီးရင် ကြက်သွန်ဖြူ/နီ၊ နနွင်း အနည်းငယ်ထည့် ဆီသတ်၊ မြေပဲလှော်ကိုအခွံဖယ်ထောင်းပြီး၊  အဲဒါတွေအားလုံးကို မုန်လာဥခြစ်ထဲရောထည့်ပါမယ်။ အရသာမှုန့် ၊ ပုစွန်ခြောက် မှုန့် ၊ ငံပြာရည် နှင့် ဆားအနဲငယ်၊ သံပုရာသီးညှစ်ထည့်ပြီး၊ ငရုပ်သီးစိမ်းပါးပါးလှီး၊ နံနံပင်ကိုလှီး၍အပေါ်က ဖြူးလိုက်ပြီး နောက် မှာတော့၊ အနံ့  အရသာနဲ့ ပြည့်စုံတဲ့ မုန်လာဥနီသုပ်ဖြစ်ပြီပေါ့။ အစပ်ကြိုက်သူများ၊ ကြက်သွန်ဖြူလေးကိုက်ဝါး၍၊ ငရုပ်သီးလှော် မှုန့် ပါ ထဲ့စားနိုင်ပါတယ်။

ဟင်းချို/စွပ်ပြုတ်

(၁) ဟင်းချို/စွပ်ပြုတ်/ချဉ်ဟင်း/ကုလားဟင်း တို့ မှာ ဘယ်ဟင်းသီးဟင်းရွက်သာထဲ့ရမယ်..ဘယ်ဟာကိုတော့မထဲ့ရဘူးလို့  ပစ်ညက်မထားတဲ့အတွက်၊ အလျဉ်းသင့်သလို မုန်လာဥနီကို အသုံးပြုနိုင်ပါတယ်။ ဒါကြောင့် ကျွန်မတို့ အိမ်မှာ ထမင်းစားခါနီး အရည်သောက် ဟင်းရည် အထူးတလည်မစီမံဖြစ်ပါက၊ ရေခဲသေတ္တာထဲမသုံးဖြစ်လို့ ကျန်နေသေးတဲ့ ဥနီ၊ ရုံးပတီ၊ မုန်ညင်း၊ ပဲပင်ပေါက် တို့ ဖြင့် ဟင်းချိုတစ်ခွက်ဖန်တီးလိုက်ရပါတယ်။  ပထမဆုံး အိုးထဲလိုသလောက်ရေထည့်ကာ အရင်ဆူခိုင်းလိုက်ပြီး၊ စောစောကဟင်းရွက် တွေကို ဆေးကြောလှီးချွတ်ကာ အိုးထဲပစ်ထည့်။ အိုးဆူလာတော့ ကြက်ဥ ၁လုံးဖေါက်ရောမွှေပြီး၊ ရေဖျော် ထားတဲ့ကော်မှုန့် ၊ ဆား၊ အရသာမှုန့် ထဲ့လိုက်တာပါဘဲ။ နောက်ဆုံးပိတ် တရုပ်နံနံ (သို့ ) နံနံပင်လေးညှပ်ထဲ့ပြီး၊ မီးဖိုပေါ်က အိုးချကာ ငရုပ်ကောင်းမှုန့် လေးမဆိုသလောက်ဖြူးလိုက်တော့ ဟင်းချိုတခွက်ရပြီပေါ့ရှင်။ အသီးအရွက်မစုံလင်လို့  ၁၂မျိုးဟင်း ရည်လို့  မပြောနိုင်ပါဘူး။ ဒီအမည်မဖော်နိုင်ဟင်းရည် ကလေးကတော့တော်တော်သောက်လို့ ကောင်းပါတယ်။ (၂) တခါတလေ နေ့ တဓူဝ စားနေရတဲ့ထမင်းပွဲကို မိမိအိမ်သားတွေစားချင်စဖွယ်နဲ့  ဟင်းအမယ်မထပ်အောင် ပြင်ဆင်ပေးရတာ အင်မတန် ဦးနှောက်ခြောက်ရပါတယ်။ ဒါကြောင့် အသားရော/အရွက်ပါ တခါတည်းစုံသွားအောင် အပြောင်းအလဲတစ်ခုအနေနဲ့  ရခိုင်ကြက်သောက်ဆမ်း ဟင်းရည်ချက်ဖြစ်ပါတယ်။  ဆီမဆိုသလောက်ထဲမှာ မျှင်ငပိနည်းနည်း/ဆား/နနွင်းမှုန့် /အရသာမှုန့် တို့ ဖြင့်နယ်ထားတဲ့ ကြက်သားတုံးတွေကို ဆီးသတ်လုံးပြီး၊ ရေနည်းနည်းနဲ့ ကြက်သားနူးအောင်တည်ပါတယ်။ အသားနူးသွားရင်၊ ခပ်သေးသေးတုံးထားတဲ့ မျှစ်ချဉ်၊ မုန်လာဥနီ၊ မှို၊ ပြောင်းဖူးလေးတွေနဲ့ အတူ ရေလိုသလောက်ကိုထဲ့ပါတယ်။ ပြီးရင် ငရုတ်သီး စိမ်းပါးပါးလှီးထားတာတွေကိုထည့်ပြီး၊ အိုးဆူလာရင် မန်ကျည်းမှည့်ဖျော်ထဲ့ကာ၊ နံနံပင်အုပ်ပြီး မီးဖိုပေါ်ကချလိုက်တာပါဘဲ။ ဟင်းရည်ထဲမှာ ငရုပ်သီးစိမ်းပါပြီးသားမို့  ကျွန်မကတော့ ငရုပ်ကောင်းမထဲ့တော့ပါဘူး အရမ်းပူစပ်တာကိုမကြိုက်လို့ ပါ။ ဒီ သောက်ဆမ်းဟင်းရည်လေးကို ပူတုန်းဟင်းရွက်တွေမနွမ်းခင် သောက်သင့်ပါတယ်။ (၃) ဖွားဖွား မကွယ်လွန်ခင်က ပဲနီလေး ဟင်းချို မကြာခဏချက်တာကို သတိယမိပါတယ်။ ကြက်သွန်ဖြူ/ဂျင်း/နနွင်းမှုန့် တို့ ကိုဆီသတ်ပြီး၊ ရေထဲ့ကာပွက်ပွက်ဆူလာ တဲ့အခါ၊ ပဲနီလေး/အာလူး/ ကြက်သွန်နီတို့ ထဲ့၍ ပဲနီလေးပြဲလာတဲ့ ထိတည်ပါတယ်။ ပြီးတော့ အရသာအတွက် ဆား/ဟင်းခတ် မှုန့် တို့ နဲ့ အတူ ပဲကြာဇံနဲ့  ကရဝေးရွက်ထည့်ကာ၊ အပေါ်က ကြက်သွန်နီကြော်လေးတွေ ဖြူးထာတာပါ။ ဖွားဖွားခဏခဏ ချက် လွန်းလို့  ကျွန်မတို့ ညီမတွေ က အဖွားကြီးဟင်းချို လို့  ခေါ်ကြပါတယ်။ အဖွားအလွမ်းပြေ ဒီဟင်းချိုလေးကို တခါတလေ ချက်စား ဖြစ်ပါတယ်။

မုန်လာဥနီဖျော်ရည်။

မုန်လာဥနီကို အခွံနွှာပါးပါးလှီးပြီး၊ ဖျော်ရည်စက်ထဲကြိတ်ထဲ့ကာ၊ ဖန်ခွက်ထဲမှာ ဥနီဖျော်ရည်/သောက်ရေသန့် /သကြားတို့  သမအောင်ရောပြီး သောက်နိုင်ပါတယ်။ ဥနီနံ့ မကြိုက်တတ်သူများက ဂျင်း (သို့ မဟုတ်) ပူစီနံရွက်ရောထဲ့ကြိတ် သောက်နိုင် ပါတယ်။ ချိုချို/ချဉ်ချဉ်လေး သောက်ချင်ရင် သံပုရာစိပ်လေးညှစ်ထဲ့သောက်လိုက်ပေါ့။ အရသာ ပိုကောင်းချင်ရင်တော့ ပန်းသီး ကို ထဲ့ကြိတ်သောက်လို့ ရပါတယ်။ ဒီဖျော်ရည်က ကိုယ်တွင်းအင်္ဂါအစိပ်အပိုင်းများနှင့် ဇီဝကမ္မဖြစ်စဉ်ကို သန့် ရှင်းစင်ကြယ်စေလို့ နံက်အိပ်ယာထ/ညနေခင်းအဆာပြေ သောက်ကြည့်လိုက်ပါနော်။
+++++++++++++++++++++++++++++++++++++++++++
WHFoods ၏ စစ်တမ်းများအရ၊ အာရှတိုက်တွင် မုန်လာဥနီအစားများသော နိုင်ငံတို့ မှာ  တရုပ်/ဂျပန်/ကိုရီးယား ဖြစ်ပါတယ်တဲ့။ ကမ္ဘာပေါ်တွင် မုန်လာဥနီအစားအများဆုံး လူမျိုးတို့ ကတော့၊ အမေရိကန်ဖြစ်ပြီး၊ အမေရိကန်လူမျိုးတစ်ဦးသည် ပျမ်းမျှအားဖြင့် တစ်နှစ်လျှင်မုန်လာဥနီ ၁၂ ပေါင်ခန့်  စားသုံးလေ့ရှိတာကြောင့်၊ မုန်လာဥနီဟာ အာလူးပြီးရင် ကမ္ဘာ့ဒုတိယရေပန်း အစားဆုံး ဟင်းသီးဟင်းရွက်ဖြစ်တယ်လို့  ဖော်ပြထားပါတယ်။ အဲဒီနိုင်ငံတွေမှာ မုန်လာဥနီကို အသုပ်/အပြုတ်/အကြော်/အလှော်/အကင်/ စွပ်ပြုတ်/ဆန်ပြုတ်/ပူရီ/ထမင်းလိပ်/ကင်မ်ချီ/တော့ပိုကီ/မုန်လာဥနီ croquettes/စပါ(ဂ်)တီခေါက်ဆွဲ/ဂျပန် cole salw စသည့် ဟင်းလျာတို့ အပြင်၊ ကိတ်မုန့် /ကွတ်ကီးစ်/pie ကိတ်/ပူတင်း/ယို/ရေခဲမုန့် /ဖျော်ရည် စားဖွယ်စုံအဖြစ် အမျိုးမျိုးပုံဖော် စားနေကြ ပါတယ်။ ဒါကြောင့် ကျွန်မတို့ နိုင်ငံမှာလည်း ၁၂-လ ရာသီစလုံး ရရှိနိုင်တဲ့ မုန်လာဥနီကို ကျန်းမာဖို့ စားကြပါစို့ လို့  ….။
မူရင်း ပေါက်ပေါက်
         
Shareလုပ်ပြီးအမှတ်များရယူပါ
0 Aavapoints

Trending:

ဘဲဥ​တော့ဘဲဥပဲ ဒါပေမယ့်ဆားဘဲဥ

   ဆေးဘဲဥကိုပဲ လူတွေက
more

Thomas

1 Share  650 Views

Sales လား?Marketing လား?

Sale လား၊ Marketing လား ?
more

Amanda

Share  598 Views